admin
0
0
.ભારતથી હજારો માઈલ દૂર વસતા દલિત યુવામિત્રોના સંગઠન ‘ગ્લોબલ વણકર સમાજ-કેનેડા’ દ્વારા, વાલમની દલિત સમાજની દીકરી સ્વ. નિશા ભાવેશભાઇ મકવાણા (જેની રીક્ષાચાલકે અપહરણ કરી હત્યા કરી હતી), તેના ગરીબ પરિવારને રૂપિયા ૫૦,૦૦૦(પચાસ હજાર)ની સહાય કરવામાં આવી છે.’ગ્લોબલ વણકર સમાજ-કેનેડા’ વતીથી – તેમની સૂચનાનુસાર, તેમના પ્રતિનિધિઓ તરીકે અમે ગાંધીનગરના મિત્રોએ આ રકમનો ચેક
તા.૨૯\૦૬\૨૦૨૩ના રોજ મહેસાણા ખાતે રહેતા લતાબેન ભાવેશભાઇ મકવાણા (તે નિશાના માતા)ના ઘરે જઈ તેમને રૂબરૂ મળીને આપ્યો. આ સમયે સર્વશ્રી પ્રવીણ ગઢવી(પુર્વ IAS), નટુભાઈ પરમાર (પુર્વ સંયુક્ત માહિતી નિયામક), પ્રવીણ શ્રીમાળી-વસંત જાદવ(પુર્વ નાયબ નિયામકો-સમાજ કલ્યાણ), રમણ વાઘેલા (પુર્વ નાયબ સચિવ-ગૃહ), કાન્તિભાઈ પરમાર ( જિલ્લા પ્રમુખ,દલિત અધિકાર સંઘ-ગાંધીનગર ) સૌ આ ઉમદા સમાજસેવાના કામમાં સાથે રહ્યા હતા.લતાબેનને આ સહાયનો રૂ ૫૦,૦૦૦નો ચેક માન. પ્રવીણ ગઢવી સરના હસ્તે અપાયો હતો.
આ પ્રસંગે રમેશભાઈ પરમાર – રંજનબેન પરમાર (દલિત અધિકાર સંઘ – મહેસાણા) તથા જિલ્લા નાયબ નિયામક શ્રી મિશ્રાજીના માર્ગદર્શન હેઠળ સમાજ કલ્યાણ કચેરીના કર્મયોગીઓ સર્વ શ્રી જીતેન્દ્ર મકવાણા, ગોવિંદ ચૌધરી,ઠાકોરભાઈ, સેવક લીલાબેન, નિવૃત્ત અધિકારી નરેશ મકવાણા સૌએ પણ ઉપસ્થિત રહી ઉમદા સહયોગ પુરો પાડ્યો હતો.આ સહાયની રકમ મૃતક નિશાના પરિવારના લાભાર્થીઓને સરળતાથી આપી શકાય તે માટે પ્રવીણભાઈ શ્રીમાળી અને વસંતભાઈ જાદવે વિશેષ જહેમત ઉઠાવી હતી. મૃતક નિશાની માતા લતાબેને પણ રડતી આંખોએ ‘ગ્લોબલ વણકર સમાજ-કેનેડા’ના સૌ સભ્યો પ્રતિ આભારની લાગણી વ્યક્ત કરી હતી.
